ಪುಟ್ಟ ಜನ್ನು ದೊಡ್ಡ ಕಣ್ಣು

ಶೀರ್ಷಿಕೆಯಲ್ಲಿ ಜನ್ನು ಅಂತಷ್ಟೇ ಇದ್ದರೂ ಇದು ಅವನೊಬ್ಬನ ಕತೆಯಲ್ಲ. ಆರೇಳು ವರ್ಷದ ಜನ್ನುವಿನ ಜೊತೆ ಅವನಿಗಿಂತ ಸ್ವಲ್ಪ ದೊಡ್ಡವಳಾದ ಜಾನು, ಇನ್ನೂ ತೊದಲು ಮಾತಾಡುವಷ್ಟು ಚಿಕ್ಕವಳಾದ ಪುಟ್ಟಿ ಮತ್ತು ಅವನಷ್ಟೇ ವಯಸ್ಸಿನ ಗೆಳೆಯ ತಿಮ್ಮ- ಈ ಎಲ್ಲರೂ ಒಟ್ಟಿಗೇ ಕಳೆದ ಒಂದು ರಜೆಯ ಕತೆ ಇದು.

ಕೆಲವು ಸಲ ನಮ್ಮ ಬದುಕಿನ ಒಂದು ಪುಟ್ಟ ಅವಧಿ ನಮ್ಮನ್ನು ವರ್ಷಗಟ್ಟಲೆ ದೊಡ್ಡವರನ್ನಾಗಿಸಿಬಿಡುತ್ತದೆ. ಉಳಿದ ಮೂರು ಮಕ್ಕಳೊಂದಿಗೆ ಚಿಕ್ಕಮ್ಮನ ಊರಿನಲ್ಲಿ ಜನ್ನು ಕಳೆದ ಆ ಬೇಸಗೆ ರಜೆ ಅವನ ಲೋಕವನ್ನು ಹೇಗೆಲ್ಲಾ ದೊಡ್ಡದು ಮಾಡಿತು? ತನ್ನ ಮನೆಗಿಂತ ತುಂಬಾ ಬೇರೆಯೇ ಆಗಿದ್ದ ಆ ಊರು ಅವನ ಪುಟ್ಟ ಕಣ್ಣಿಗೆ ಏನೆಲ್ಲಾ ಹೊಸ ನೋಟಗಳನ್ನು ಕೊಟ್ಟು ಬೆಳೆಸಿತು? ಈ ನಾಲ್ಕು ಮಕ್ಕಳು ಎಷ್ಟೆಲ್ಲಾ ಸಂಕಷ್ಟಗಳನ್ನು ಜೊತೆಯಾಗಿ ದಾಟಿದರು?

ಚಿಣ್ಣರನ್ನು ರಂಜಿಸುವ ಈ 'ಪುಟಾಣಿ' ಕಾದಂಬರಿ, ದೊಡ್ಡವರನ್ನೂ ಅವರವರ ಬಾಲ್ಯದ ಒಣೇಗಳಿಗೆ ಕರೆದೊಯ್ಯುತ್ತದೆ.